सिद्धेश्वर मंदिरासाठी ग्रामस्थांचा पुढाकार; हॅलोजन व लाउडस्पीकर बसविले
मांडवगण | तालुका श्रीगोंदा प्रतिनिधी – सागर शेळके
मांडवगण ग्रामदैवत श्री. सिद्धेश्वर महादेव मंदिरात आवश्यक सुविधा उपलब्ध करून देण्यासाठी ग्रामस्थांकडून पुढाकार घेण्यात आला आहे. मंदिरात बल्बची सुविधा नसल्यामुळे रात्रीच्या वेळी अंधाराचे वातावरण राहत होते. ही बाब लक्षात घेऊन गावातील श्री. शिवाजी गवांदे यांनी मंदिरात हॅलोजन बसवून दिला. त्यामुळे मंदिर परिसरात रात्रीच्या वेळी प्रकाशाची सुविधा उपलब्ध झाली आहे.
तसेच मंदिरातील लाउडस्पीकर खराब झाल्यामुळे ग्रामस्थांना सकाळ-संध्याकाळची आरती ऐकू येत नव्हती. ही बाब श्री. अंबादास शेटे यांच्या लक्षात आल्यानंतर त्यांनी मंदिरात नवीन लाउडस्पीकर बसवून दिला. त्यामुळे आता मंदिरातील आरतीचा आवाज ग्रामस्थांना ऐकू येणार आहे.
ग्रामदैवताच्या मंदिरासाठी केलेल्या या योगदानाबद्दल सिद्धेश्वर महादेव व मांडव्यऋषी देवस्थान A270 चे अध्यक्ष श्री. पोपट खराडे (गुरव) यांच्या वतीने मंदिरात श्री. शिवाजी गवांदे व श्री. अंबादास शेटे यांचा सत्कार करण्यात आला.
ग्रामदैवताच्या सेवेसाठी ग्रामस्थांनी घेतलेल्या या पुढाकाराचे परिसरातून कौतुक होत असून, मंदिरातील आवश्यक सुविधांसाठी अशाच प्रकारे सहकार्य मिळावे, अशी अपेक्षा व्यक्त करण्यात आली.