कर्जतच्या राजकीय मैदानात शिवसेनेचा ‘जोरदार पंच’; डॉ नितीन तोरडमलांच्या वर्षपूर्तीला नाझीम काझी- अंबादास तात्या जाधवांची साथ
राशीन | प्रतिनिधी ऋषभ परदेशी :
“माणुसकी, संघटन आणि शिवसेनेची विचारधारा… यांच्या बळावर पुढे वाटचाल!” या भूमिकेला केंद्रस्थानी ठेवत शिवसेना कर्जत तालुकाप्रमुख डॉ. नितीन तोरडमल यांच्या तालुकाप्रमुख पदाच्या कार्यकाळाला एक वर्ष पूर्ण झाले आहे. या वर्षभरात संघटनात्मक बांधणीसोबतच सर्वसामान्य नागरिकांच्या विविध प्रश्नांवर आवाज उठवत शासकीय यंत्रणेकडे सातत्याने पाठपुरावा करण्यावर त्यांनी भर दिल्याचे कार्यकर्त्यांकडून सांगण्यात येते.
पद मिळाले म्हणून थांबले नाहीत; जनतेच्या प्रश्नांसाठी धावपळ कायम!
वंचित, शोषित, गरीब आणि गरजू नागरिकांच्या अडचणी सोडविण्यासाठी मदतीचा हात पुढे करत डॉ. तोरडमल यांनी जनसेवेला प्राधान्य दिल्याचे कार्यकर्त्यांचे म्हणणे आहे. दवाखान्यापासून तहसील, प्रांत कार्यालय आणि जिल्हाधिकारी कार्यालयापर्यंत नागरिकांच्या प्रश्नांसाठी संबंधित यंत्रणेकडे पाठपुरावा करण्याची भूमिका त्यांनी घेतली.
नागरिकांचा प्रश्न समोर आल्यानंतर संबंधित कार्यालयात जाऊन त्याची माहिती घेणे, अधिकाऱ्यांशी चर्चा करणे आणि प्रश्न मार्गी लागेपर्यंत पाठपुरावा करणे, अशी कार्यपद्धती वर्षभर सुरू राहिल्याचे कार्यकर्ते सांगतात.
शाखा बांधणीपासून जनतेच्या प्रश्नांपर्यंत; संघटन मजबूत करण्याचा प्रयत्न
कर्जत तालुक्यात शिवसेनेचे संघटन अधिक सक्षम करण्यासाठी शाखानिहाय संपर्क, कार्यकर्त्यांशी संवाद आणि स्थानिक प्रश्नांवर भूमिका घेण्याचे काम वर्षभर सुरू राहिले. “अन्यायाविरोधात आवाज आणि गरजूंसाठी मदतीचा हात” या भूमिकेतून पुढील काळातही काम करण्याचा निर्धार व्यक्त करण्यात आला आहे.
२४ तास जनतेच्या सेवेसाठी उपलब्ध राहण्याचा निर्धार!
तालुक्यातील नागरिकांच्या विविध प्रश्नांचा शासकीय कार्यालयांमध्ये पाठपुरावा करण्यासोबतच संघटनात्मक विस्तारासाठीही प्रयत्न सुरू आहेत. त्यामुळे डॉ. तोरडमल यांच्या एक वर्षाच्या कार्यकाळाची चर्चा शिवसैनिक आणि कार्यकर्त्यांमध्ये होत आहे.
एक वर्ष पूर्ण; मात्र कामाचा धडाका कायम!
तालुकाप्रमुख पदाच्या एक वर्षाच्या कार्यकाळानंतर आगामी काळात कर्जत तालुक्यात शिवसेनेचे संघटन अधिक मजबूत करण्यासोबतच सर्वसामान्यांच्या ज्वलंत प्रश्नांवर अधिक जोमाने आवाज उठविण्याचा निर्धार त्यांच्या भूमिकेतून पुढे येत आहे.
दरम्यान, शिवसेना शहरप्रमुख राशीन नाझीम भाई काझी तसेच शिवसेना कामगार सेना जिल्हाप्रमुख, अहिल्यानगर अंबादास तात्या जाधव यांनी शिवसेना कर्जत तालुकाप्रमुख डॉ. नितीन तोरडमल यांचे अभिनंदन करून पुढील कार्यासाठी शुभेच्छा दिल्या.
शुभेच्छुक : शिवसेना राशीन शहर
दादा सरोदे, रविराज भोसले, मच्छिंद्र सुद्रीक, मच्छिंद्र माने, सुभाष पवळ, राजू उकिरडे, माऊली शिंदे, पप्पू मासाळ, महेश उकिरडे, दादा शेळके.साजिद काझी